⬛️ peak week ⬛️
ايه هو البيك ويك؟
هو الاسبوع اللى قبل البطولة مباشرة.
هو الاسبوع اللى قبل البطولة مباشرة.
🔵ليه اسمه البيك ويك؟عشان هو ده اسبوع الذروة..اسبوع الكل حاجة..الاسبوع اللى فيه يا اما هتركز و تكمل الطريق صح و تحط التاتشات النهائية على الفورمة و تطلع فى احسن صورة..يا اما هتبوظ كل حاجة و
هتضيع مجهود الكام شهر اللى فاتوا كلهم فى كام يوم
بس ثوانى البيك ويك ده معناه انك ٦:٧ ٪ فات بس..بس ماتبقاش فوق ال ١٠٪ فات و تكون متوقع انك هتعمل البيك ويك هتطلع منه متفرتك يوم الماتش..اللى ذاكر ذاكر خلاص يا برنس..البيك ويك للى تعب و نشف و جاب اخره و يادوب بيسحب المية اللى تحت الجلد و بيحط اللمسات الاخيرة.
🔵طيب ليه ممكن اضيع كل حاجة؟الاسبوع ده بيحصل فيه تغيرات دراماتيكية على شكل جسمك..تغيير كلى و شامل..بس ده لو اتنفذ صح..فيه risk كبير جدا..فلو نفذت حاجة غلط ممكن بدل مانت مستنى انك تطلع فى احسن حجم عضلى و اقوى تنشيف..تطلع فلات و معبى مية..و صدقنى دى واحدة من اوسخ الاحاسيس اللى ممكن تحصلك.
🔵طيب ايه اللى بنعمله فى البيك ويك ده؟تغييرات فى طريقة الاكل من حيث الكاربوهيدرات و البروتين و الفات..و تغييرات فى كميات المية و الملح اللى داخله جسمك..و نوعيات الصابلمنت اللى هتحتاجها
ملحوظة: التغييرات دى بتختلف من شخص للتانى حسب طبيعة جسمه و المستوى اللى هو عليه و درجة نشفانه
🔴لو بتضرب اى حاجة بتضِرب ان شالله تكون بتضرب صحابك..يا ريت توقفها دلوقتى عشان الضرب بيعبى مية 
✌🏻️
طيب نتكلم فى حته حته فى السريع
🔰الاكلالكاربوهيدرات ابعد عن مصادر الكارب السريعة قدر المستطاع..اعتمد على الكارب المعقد اكتر..رز بنى و بطاطس مسلوقة مثلا..ابعد عن الحاجات اللى فيها فايبرز زى الشوفان مثلا ممكن يعبى شوية مية او يعمل انتفاخات
🔹نسب الكارب بتقل تدريجيا من اول يوم فى الاسبوع لحد قبل البطولة بيومين او تلاتة تكاد تنعدم او تبقى كام جرام بسطب ايه الهدف من كدة..الهدف هو عملية تقليل الكارب اللى داخل و ممارسة تمارين قوية فى نفس الوقت فجسمك هيضطر يفضى مخازن الجليكوجين اللى فى العضلات..فهتبان depleted او هزيل...و بعد المام يوم قليلى الكارب دول هتتبعهم اليوم اللى قبل البطولة بكميات كارب عالية جدا اكتر من المعتاد بكتيييير..فهتملى مخازن الجليكوجين اللى كانت فاضية بقالها كام يوم دى..فهتلاقى العضلات اتملت و فاقت و سحبت ميه جواها من تحت الجلد كمان فهتبان انشف و اكبر يوم الماتش
🔹البروتين: هتاكل كميات عالية من البروتين الحيوانى زى صدور الفراخ او اللحم الحمراء تماما..و تبعد تماما عن مصادر البروتين اللى بتحتوى صوديوم كتير زى البيض و منتجات الالبان و الواى بروتين🔹الفات نوعية الفات اللى هتعتمد عليها هتكون من مصادر طبيعية زى اللوز..و كميات مش كبيرة..كام جرام بس مع كل وجبة🔰كميات المية و الملح
ماتقطعش ملح ابدا
اول الاسبوع بتاخد كميات مية كتييرة اكتر من المعتاد بكذا لتر..مع كميات قليلة من الملح حوالى معلقة صغيرة كل يوم على كل الاكل..بالطريقة دى بتعود جسمك يطلع كميات مية اكتر لمدة اسبوع..فلما تيجى تقطع المية بيكمل هو فى طرد المية الزيادة..فبتصفى المية اللى تحت الجلد
اخر كام يوم بتقلل كميات المية تدريجى مع تقليل كميات الملح جدا..لحد ليلة البطولة مفيش مية خالص و يوم البطولة برضو مفيش مية خالص..فهتفضل ناشف و الجلد متصفى من المية و شكلك متقطع
اخر كام يوم بتقلل كميات المية تدريجى مع تقليل كميات الملح جدا..لحد ليلة البطولة مفيش مية خالص و يوم البطولة برضو مفيش مية خالص..فهتفضل ناشف و الجلد متصفى من المية و شكلك متقطع
🔰المكملات..ابعد تماما عن المكملات اللى بتحتوى الصوديوم زى الواى بروتين بكل انواعه..اخر اسبوع اعتمد على الامينو اسيدز مع البروتين الحيوانى من صدور الفراخ..و ممكن بعض انواع الbcaa الخالية من الصوديوم🔵قبل المسرح بكام ساعة؟
بتفضل تحمل بكارب عالى..نضيف
او بتحمل ديرتى بشيت ميل..يرجر او بيتزا..فيهم سعرات عالية جدا و ملح عالى..و طبعا بدون شرب مية من اليوم اللى قبله..صدمة السعرات العالية دى فجأة بتفوق الجسم جدا..كميات الكارب العالية بتملا مخازن الجليكوجين فى العضلات و بتسحب المية الزيادة اللى فاضلة تحت الجلد جوة العضلات..كميات الملح العالية مع قطع المية هتعلى ضغط الدم و هتعما بمب عالى و عروق
او بتحمل ديرتى بشيت ميل..يرجر او بيتزا..فيهم سعرات عالية جدا و ملح عالى..و طبعا بدون شرب مية من اليوم اللى قبله..صدمة السعرات العالية دى فجأة بتفوق الجسم جدا..كميات الكارب العالية بتملا مخازن الجليكوجين فى العضلات و بتسحب المية الزيادة اللى فاضلة تحت الجلد جوة العضلات..كميات الملح العالية مع قطع المية هتعلى ضغط الدم و هتعما بمب عالى و عروق
قبل المسرح مباشرة..ممكن تاكل حاجة فيها سيمبل كارب..ممكن عشل او سنيكرز عشان بس يديك باور تعرف تعمل العرض
لو ربنا كرمك و اتأهلت و هتلعب الفاينال ماتشربش مية خالص عشان ماتطلعش معبى و بايظ..امسك نفسك و استحمل عشان الفوز مش بسهولة..الكل تعبان بس اللى هيستحمل و يجيب اخره هو اللى يستحق يكسب
🔵كدة كل حاجة كنتوا سألتونى فيها بخصوص التحضير للماتشات🔵بالتوفيق للجميع فى مسابقة ماصلمانيا اخر الاسبوع ده..اشوفكم فيها على خير ان شاء الله
المقال دة ممكن تخليه مرجع تبص عليه كل ما تبقى بتجهز لبطولة..و ممكن و انت بتدور تلاقى مليون طريقة تانية تجهز بيهم..هو مش قرآن اصله يعنى
سلام عليكم
⬛️
⬛️
ليست هناك تعليقات